Que é este blog

O blog da ANPA SANTA IRENE é un espazo aberto de comunicación e información sobre temas de interese común a tódalas familias do CEIP Santa Irene de Porto do Son. Nel, poderedes atopar información relativa a todas as actividades que organiza e/ou nas que participa a ANPA: actividades extraescolares, festas; así como información da Directiva da ANPA, os seus membros e vogais; seguimento do traballo das diferentes comisións, convocatorias de reunión, fotografías das festas e outras actividades da escola. Pero, ademais das actividades promovidas desde a ANPA, o blog quere ser tamén un espazo para compartir información de suxestións de actividades infantís e/ou familiares de interese cultural, social, lúdico ou festivo que teñan lugar na nosa vila ou na nosa comarca. O blog da ANPA é un recurso aberto á participación de todas e de todos. Por iso, animámosvos a que nos fagades chegar as vosas suxestións, iniciativas, comentarios e, tamén, as vosas críticas. Podedes contactarnos a través do enderezo electrónico: anpasantairene@gmail.com Desexamos que o blog sexa do voso interese e que todos/as vos animedes a participar con nós.

Andaina de Novembro

O pasado sábado 16 de Novembro volvemos ir de andaina... desta vez aumentou o grupo: 37 valentes camiñantes que subimos ata o monte Dordo, desde onde puidemos contemplar non solo as impresionantes vistas da ría e a panorámica da nosa vila desde o aire, senón tamén comprobar, in situ, os destragos causados polos lumes do final do verán. Os máis pequenos celebraban as árbores "que quedaban con vida" e lamentábanse por estes sucesos cuxas causas son tan difíciles de entender para todos. Deixámosvos unhas imaxes desa tarde, e animámosvos a todos/as a acompañarnos na vindeira andaina... estade atentos ás datas!



Publicado por en

No hay comentarios:

Publicar un comentario

Suscribirse a: Enviar comentarios (Atom)